天后容祖兒與經理人霍汶希（Mani）昨日出席好友餐廳開幕，祖兒透露與老闆認識多年，問到有否參與投資？她說：「冇啦邊有錢！錢係晒媽咪度，今個月都未出糧。」Mani聞言踢爆祖兒曾向她借五萬港元，祖兒即說：「做咩爆出黎！我最後問o左媽咪，冇借到。其實我好少帶錢出街，只要有人認得我，都會畀番幾分薄面，但有時都會食檸檬！」

祖兒（右）被Mani連爆兩單堅嘢，哭笑不得！

祖兒近期一星期內至少有一半時間要返內地拍真人騷，笑言有飯盒食不用花錢：「空中飛人生活好艱巨！」Mani又踢爆她為拍攝真人騷喊過幾次，可能因為24小時有錄影，祖兒聞言即說：「又爆我！有次廁所爆屎渠，我唔敢同人講因為怕有人影，忍咗幾日，去o左第二間房去廁所，已經唔知自己係運動員定歌手，搵食好艱難！」