鄭嘉穎、陳凱琳（Grace）和謝安琪等前晚現身劇集《殭》煞科宴，戀情升溫中的嘉穎與Grace應傳媒要求大方合照，剃了鬚的嘉穎透露即將返內地拍劇，但在此之前會與Grace單獨約會，實行以新Look追女，他說：「食吓飯先啦！之後再去做嘢。（合照唔尷尬？）多謝關心，總之見到食飯時唔好大驚小怪啦！」

鄭嘉穎表示返內地拍劇前會單獨約會陳凱琳，女方亦十分受落。

鄭嘉穎、謝安琪與監製夾錢請眾演員出席煞科宴。

Grace則表示與劇組相處4個半月感不捨，問到對嘉穎會否有相同感覺？她笑說：「大家都好好朋友，之後會再約食飯。（嘉穎單獨約你會唔會應承？）都可以約出嚟食飯。（約咗未？）未，大家都繼續忙緊其他嘢。（如果嘉穎一陣車埋你返屋企？）如果順路，一齊車埋都冇嘢嘅，朋友車朋友都唔係好大件事。」

謝安琪破戒飲酒又屙又嘔

至於謝安琪破戒飲酒，結果返家後嘔了4次，昨日接受電話訪問時說：「啱啱仲肚屙同流鼻血，所以以後都係咪搞。因為尋晚氣氛好好，我知所有人都照顧我，又有工作人員送我返屋企，都好安全。」更指醉後也記得擺平日最愛的「嘟嘴」甫士。