香港殿堂級Band霸太極前晚在紅館舉行一連兩場的《太極樂隊The Mega Hit三十周年演唱會》，頭場請來天王黎明做嘉賓大晒金句唱冧歌。而手足情深的雷有輝（Patrick）和鄧建明（Joey）在台上錫錫，Patrick更公然借舞台向太太示愛。

鄧建明（右起）、黎明和雷有輝合唱《火舞艷陽》，黎天王更不忘拋金句放笑彈。

任嘉賓的鄭俊弘獲鄧建明錫面頰！

鄭俊弘

太極靠近觀眾席時，歌迷爭相拍照。

太極唱《留住我吧》為演唱會作結。

在30周年的演唱會上，太極七子獨欠雷有曜，但他亦有拍短片撐場，叫隊員和歌迷盡興，還提醒六子注意身體：「因為我都三十周年喇！」當太極演繹經典歌《Crystal》時，Patrick乘機向老婆示愛：「Joey（隊友鄧建明），我唱呢首歌，都爭女30年，我決定，以後唔同你爭，我仲要度話畀大家聽，我最愛係我老婆！」

其後嘉賓鄭俊弘（Fred）出場，被Patrick大讚靚仔，期間Patrick又為好兄弟Joey抹汗又貼面錫錫，令台下歌迷大叫，在旁的Fred都忍不住笑說：「到我喎！」Joey即時錫Fred的面頰，相當搞笑！

「得嘅唔需要等咁耐」

至於全晚反應最High的莫過於天王黎明（Leon）出現，太極與Leon合唱《火舞艷陽》時Rock味十足，台下歌迷更引用Leon金句，叫Leon「食早餐呀！」

而Joey稱當日邀請Leon做嘉賓時，對方看過工作期表後很快便答應，在旁的Leon亦不忘晒金句說：「其實得嘅真係唔需要等咁耐，等咁耐嘅即係唔得！」台下歌迷即爆出一陣笑聲！其後Leon再唱《一夜傾情》，更到台邊與觀眾握手。當Leon返回後台，太極即得戚地笑問觀眾：「呢份禮物正唔正呀？我哋叻唔叻呀？」

尾聲時太極唱出經典歌《紅色跑車》，全場High爆。到Encore時，Patrick笑指成員盛旦華（蛇仔）整晚沒開口說話，似在冬眠狀態，蛇仔即開腔：「30年話簡單又唔簡單，睇到呢班兄弟維持到咁耐，個心好舒服！」最後，太極唱出《留住我吧》為演唱會畫上句號。