陳凱琳前晚在港姐活動中坦言未想到與鄭嘉穎正式發展的事，而在另一活動中則表示不介意對方有沒有鬍鬚， 提到有鬚咀嘴會拮時說：「唔知呢！」而黃心穎則自爆麥玲玲師傅指她36歲才能結婚，但她希望可在35歲前生B！

陳凱琳未有機會見到鄭嘉穎的新Look。

鄭嘉穎

黃心穎（左起）、陳凱琳和劉佩玥齊齊出席港姐的最後召集活動。

前港姐陳凱琳（Grace）、黃心穎和劉佩玥等前晚在鑽石山出席無綫《2015香港小姐競選》最後召集活動。Grace坦言有叫契姐在後日截止日期前報名：「但佢要趕住去上海做嘢，所以今年應該唔會參與。」問到拍完無新劇《殭》的她會否與鄭嘉穎正式發展？她說：「我今日先返嚟，之後嘅嘢未諗到。」而Grace昨日在另一個兒童故事演講活動中透露，日後會遠赴上海和法國工作。提及鄭嘉穎剃鬚轉Look，她坦言暫未見到：「不過佢未拍呢套劇之前都冇鬚啦！（鍾意佢有鬚定冇鬚？）冇乜所謂。（有鬚Kiss會拮！）唔知呢！」

自認傳統拒未婚懷孕

而心穎BB在最後召集活動中笑言朋友超齡難參加，問到其好友是否開始陸續嫁人？她說：「係呀！我有幾個朋友已經係生小朋友添喇！」但她認為各人所追求的總有不同：「我喺加拿大時都諗自己會好早結婚，25歲前生小朋友，過咗喇！係咁推遲！（依家想幾多歲生？）希望35歲前！35歲一定要生到！」她表示尚有9年時間，但麥玲玲師傅卻認為她適宜遲婚：「佢話我36歲呀！（生咗先結婚？）睇吓點先，我都唔知！我諗我係傳統啲，結咗婚先生！」另外，與Grace同屆的劉佩玥在台上表示透過參選港姐加入娛樂圈後，可以演戲做不同角色，呼籲有興趣者盡快參加。