歌手吳浩康、李逸朗及應昌佑昨日以籃球員姿態上陣對決，一向勤於練波的吳浩康心情緊張，亦刻意為賽事加操。他透露二十多歲起便打籃球，但由於球技遜色而沒有女粉絲埋身。他又指領軍的慈善籃球隊成立之青年軍將於暑假特訓。問到是否想專心工作，不談任何兒女私情，他說：「有諗拍拖，但唔多講喇！同Sherman（鍾舒漫）好早有傾番偈，佢好好，畀好多空間。（翻撻有望？）唔諗住，好好相處先。」

吳浩康（左）與李逸朗一攻一守，打得十分投入。

而李逸朗則指早前因拍戲跌倒以致膝頭軟組織受傷，問到緋聞女友朱晨麗可會撐場，他說：「閨蜜都唔知我識打波，呢排好忙，少聯絡。」至於應昌佑則表示自兒子出世後已沒有練波，但心願是培養兒子打籃球：「佢啱啱學行就周圍走，好活躍，發開口夢仲會叫『打波打波』，佢對波狀物件好有興趣！」

而同場的陳偉成（Avis）籃球賽中擔任籃總名人邀請隊其中一員，他坦言早前已積極備戰，但昨日帶病上陣：「嚟緊7月我會出本書教人30日Keep Fit，尋日我着泳褲影封面，可能凍親病病哋。」提到舊愛尹蓁晞（Yumi）早前被男士騙五位數字金錢，他說：「希望佢冇事，我同佢都過咗去，唔想再提！」