李亞男昨日出席活動，問到是否經常食即食麵？她坦言夜歸會自行煮麵食，更指老公王祖藍一樣是「麵癡」：「佢返內地做嘢，都有幫佢Pack成箱麵拎上去。（人哋話食咁多唔好。）家長都有提過，唔係日日食就OK。」談到有報道指祖藍在大埔再添置千萬豪宅，亞男表示未聽過：「多啲物業、多啲投資都好，但我冇時間研究。（佢用私己錢買？）唔通買嚟收埋第二個？」前晚出席梁烈唯婚宴的亞男指場面感動：「唯唯終於成家立室，好開心！（互催生B？）周街都有人催！我都成日畀人催！」

冇時間研究投資的亞男不知祖藍購買豪宅。