陳凱琳返港嘉穎冇影

陳凱琳昨日傍晚六時許隻身從溫哥華返港，未見緋聞男友鄭嘉穎接機，不過見TVB派車接她，她解釋是因為趕往鑽石山出席港姐活動。她透露今次只回溫哥華短短一星期：「有嘢做所以唔可以留耐啲，返去就病咗，又要見朋友同家人，好忙！」至於離港期間如何與鄭嘉穎溝通？她笑說：「咁朋友搵我都係WhatsApp啦，長途電話費貴。（佢叫你快啲返香港？）冇啦，但佢應該喺香港，因為佢未拍完《殭》，每個人煞科戲都唔同。（有冇特別搵你？）真係冇呀！」坐足十多小時飛機的她未見疲態，雖然趕時間但仍然肯企定定任影，而且有問必答，十分友善。