梁烈唯（唯唯）與太太Tina前晚在尖沙咀補辦婚宴，場內氣氛浪漫又好玩，唯唯情深款款獻唱冧爆老婆，曾志偉、草蜢及彭健新等亦上台與賓客狂歡，阮兆祥及江欣燕於飲宴尾聲才姍姍來遲，羅仲謙、黃心穎及李亞男等則於接近十二時起陸續離開。

唯唯在台上Chok爆唱歌，老婆冧晒啦！

唐詩詠性感到賀，自爆正朝結緍方向進發！

到賀的唐詩詠稱要駕車而未有飲酒，提到緋聞男友洪永城指被她嫌棄有「咖喱味」，她說：「佢每次食飯都係咖喱，係佢自己鍾意食啫！（唔帶埋佢嚟飲？）冇人請佢呀！（出席婚禮勾起結婚衝動？）有朝呢個目標進發，但唔需要太快！（洪永城都朝呢個目標？）唔知呢，我希望搵到同一目標嘅人。」

曾志偉兒子曾國祥解釋為何賣甩老竇：「佢喺上面做緊咪霸，最識搞氣氛。（佢冇醉？）冇，好精神！（你唔帶女友王敏奕嚟？）有諗過，但我同唯唯熟啫，佢唔識唯唯，費事啦！」