第六集

第七集

第八集

第九集

第十集

第六集 阿佘勾「捱摑」回憶

發哥為拍戲體重成日變，向來愛靚嘅佘詩曼就問發哥：「發哥拍戲有時要增肥同減肥，點解塊面仲咁Firm？」點知發哥發放笑彈覆阿佘：「我一唔聽話，老婆就兜巴摑埋嚟，摑完左面摑右面，你唔Firm就有鬼！」

第七集 反封鄭俊弘做偶像

原來發哥當正鄭俊弘（Fred）係偶像，讚佢又勤力又乖，Fred話有次喺銅鑼灣食飯遇上發哥，發哥即時笑住打招呼，令到佢個心不知幾甜！發哥即時「神」回覆，令Fred甜上加甜：「我見到你個樣都甜啦！你阿媽見到你更加甜啦！開心到死啦！有個咁叻嘅仔！」

第八集 娶正Stephy執到寶

發哥同發嫂咁多年都咁恩愛，聽到鄧麗欣（Stephy）咁鍾意自己，雖然Stephy同方力申未結婚，亦即時醒她夫妻相處之道在於搞好婆媳關係，仲讚小方有Stephy呢個女友真係執到寶：「我覺得小方同你一齊係佢嘅福氣，你睇吓佢（小方）珠圓玉潤。」Stephy聽完即爆笑：「發哥都話你肥呀！」嚟睇小方真係要收吓身喇！

第九集 許廷鏗袋「襟撈」妙法

許廷鏗係年輕人偶像，成日都有人搵佢影相，佢就問發哥：「點解你咁願意同見到你嘅朋友自拍？」發哥立即拋出「識撈」金句，袋錢落許廷鏗袋：「佢哋係我米飯班主，老細叫你影張相你唔影？你都唔襟撈啫！」

第十集 鍾意薛凱琪到「癲」

原來發哥不嬲都勁欣賞薛凱琪（Fiona），仲要鍾意到「癲」嗰隻，發哥史無前例用一種方法鼓勵Fiona，佢話：「你鍾意唱歌又做戲，我鍾意！你癲起上嚟都幾癲！繼續向呢方面發展！」Fiona聽完偶像咁講，立即開心到癲回發哥：「好似寫信畀發哥咁，佢回信！」