《大時代》重播以來甚受歡迎，有份參演的演員紛紛表示想於大結局播放當日重聚，「丁蟹」鄭少秋昨日接受電話訪問，對於同劇的邵仲衡及楊羚等人出席活動，他笑指眾人是否想找他尋仇。問到會否與楊羚等一同欣賞大結局？他說：「我就要睇時間，睇吓係咪重金禮聘啦！我好忙！時間配合可以考慮。（套劇依家進入高潮！）我都同老婆一齊睇，睇番都開心。」對於有傳同劇演員洽談再合作，秋官以要練大隻為由投反對票。

「丁蟹」鄭少秋笑指同劇演員重聚是找他尋仇。

另外，秋官前晚錄影節目《Sunday靚聲王》，對於女兒鄭欣宜上載性感泳照，他說：「因為佢就嚟生日，本來話約佢食飯，點知佢去咗嗰度開工，依家等佢返嚟！（送咩禮物？）唔話畀你知！呢啲係我哋秘密。（驚個女畀人睇蝕？）最緊要都係健康，會唔會引起有啲人自卑？」