前中華小姐兼無綫小花鄧佩儀（Gloria）自小學時代便喜歡卡通人物海綿寶寶，貪其正方形兼有兩隻大門牙，加上鮮黃色外表，狀甚可愛！多年來Gloria家中珍藏了不少相關物品，上至T-shirt，下至廁紙都一網打盡，粉絲獲悉她如此喜歡，每次見面亦會送贈。在眾多珍藏中，Gloria最喜歡海綿寶寶帽子及Ukulele（夏威夷小結他）：「呢度只係我珍藏嘅一部分，嗰兩樣嘢我最鍾意，因為都係特別版，頂帽係Fans專登做！其實我識彈鋼琴，不過唔識Ukulele，所以都會拎住學。」

Gloria最愛這頂Cap帽，每次戴住都充滿開心能量！

Gloria對於海綿寶寶可謂情有獨鍾，你睇佢連廁紙都係呢個公仔就知。

雖然Gloria唔識彈Ukulele，但佢周不時都會拎住學，因為有海綿寶寶嘛！

在溫哥華長大的她表示當地隨街也可看到海綿寶寶的蹤影，加上有推出動畫，童年時決不錯過：「好鍾意佢個角色性格樂觀，永遠都好開心，帶快樂畀人，畀到好多正能量小朋友，睇到咩唔開心都忘記晒！」