最新一期《好報》獨家踢爆，回復自由身的衞蘭（Janice）日前與「巨聲幫」陳康健蜜遊。報道一出，Janice即否認拍拖，隨即更爆出身邊還有一位關係親密的「ABC教友」，身為「兵仔」的陳康健只好無奈說句：「算罷啦……」

脹爆的衞蘭日前被拍到與陳康健同行。

好報

陳康健細心地為衞蘭做「傘兵」，盡顯風度。

陳康健細心地為衞蘭做「傘兵」，盡顯風度。

現年33歲的衞蘭終與Amusic結束賓主關係，曾被舊老闆黎明笑稱「肥過部電單車」的Janice完約後未知是否因「冇王管」，身形暴脹似足「坦克車」！惟「吹脹」的Janice仍然有價有市，昨日《好報》獨家踢爆Janice與「巨聲幫」出身的陳康健孖住現身朋友浸禮，陳康健對Janice無微不至，貼心在洗手間門外守候，又擔起「傘兵」重任，為Janice開遮擋太陽。

教友登堂入室

但原來Janice還有另一桃花正在醞釀中！浸禮當天，Janice送走陳康健後，亦將另一名「ABC教友」車到大圍，臨別時兩人更甜蜜Goodbye Kiss！翌日「ABC教友」更一早到Janice家中陪伴Janice和妹妹衞詩。另外，工作方面有傳自由身的Janice將轉投華納，頂替婚後淡出娛圈的官恩娜做「一姐」。

記者致電Janice，問到是否與陳康健蜜運中？她即焦急否認：「似咩？（好Sweet喎你哋。）唔係，係教會嘅朋友。」問到未來動向？她說：「工作方面未有動向，但大家好快會再見到我。」當記者再次追問戀愛進展時，Janice即以正與朋友聊天為由匆匆掛線。

提「當兵」即灰爆

而「傘兵」陳康健的口供亦與Janice「不謀而合」，他死撐並非想追對方，問到Janice是否他的理想型？他說：「唔係呀！（同Janice好熟？）我同Janice好熟，大家喺教會識，成日都會見到面。」問到別人指他「當兵」可會介意？他又Sad爆回應：「算罷啦……算罷啦……唔理人哋點講。」後來他再以短訊對記者說：「So what can I do...It's not the truth.」