第十集《我愛發哥》昨日在《東網巨星》App播出，大笑姑婆薛凱琪（Fiona）深得男神周潤發欣賞，稱讚她演出「夠癲」！發哥又教Fiona如何逃離被Fans包圍的困境，竟然出動「蛋撻會凍」、「阿媽病咗」等茅招！

你搵阿澤同你講啦！
阿Fi，靜靜雞話你知，咪畀啲Fans聽到，佢哋咁錫你，好易氹咋！

發哥，講一兩個笑話畀我聽吓吖！
對住搞笑笑爆嘴嘅發哥，Fiona呢個大笑姑婆不得不講聲，服咗你喇！今次。

發哥，你會唔會答我o架！

我好開心呀！

Fiona：我愛發哥原因係，我特別欣賞演員演文藝片又得，演笑片都得！笑片同文藝片，笑片難拿捏好多，佢係好出色演員，同埋好Nice，好親民，任何人同佢影相佢都會影！

發哥：我覺得你都好得喎！你同阿澤一齊有好多火花喎！我覺得依家你個樣肥番少少好睇啲吖！以前就瘦過頭，你鍾意唱歌又鍾意做戲，我覺得兩方面都非常好，我鍾意！你癲起上嚟幾癲！繼續向呢邊發展！幾好玩！

發哥：出啲茅招都要

Fiona：如果有一日有一排人排隊同你影相，好似排隊機咁同你影相，你會影到第幾個先會走開？十個？二十個？三十個？定四十個？

發哥：講開又講，早兩個星期我去開會之前，去買啲餅仔蛋撻上去，出到嚟就有成班發哥嘅捕獵者想捉住我，咁我開頭都同佢影吓，點知愈嚟愈多人，於是我話：「對唔住咁多位，後面嗰啲我一次過影一張大合照，影晒！你哋自己互相介紹，分番佢。」因為我話啲蛋撻凍咗唔好食，同埋啲Friend會話我冇誠意，再影我就遲到，我唔可以遲到嘛！約咗三點三就三點三，下次如果你遇到咁，真係出啲茅招都要！你就話，唔好意思，我趕住走，我帶阿媽去睇醫生，咁咪得囉！

Fiona：你個袋袋住最好笑嘅笑話，可唔可以講一、兩個畀我聽吓？

發哥：嘻！你客氣，我啲笑話邊夠阿澤多，你同佢咁熟，佢成個背囊畀晒你都得啦！搵佢同你講！

Fiona：我寫信佢回信

Fiona表示收到發哥「回信」非常感動：「好似我寫信畀發哥，佢回信咁，多謝發哥嘅回信啦！聽到發哥讚我嘅任何嘢都會好開心，好多謝你哋畀Video我，今日終於學到，其實自己都有嘢做，唔想遲到啦！最重要係就算佢哋唔識，因為都好鍾意我，全部人影大合照，佢哋自己拎Contact，仲可以識到新朋友添！好多謝發哥嘅回應啦！同埋我想同發哥講，我永遠支持你。」