張建聲（Justin）在電影《壹獄壹世界》中飾演吳志雄外甥，對於「舅父」遇襲，他說：「邊個夠膽打大佬B（吳志雄暱稱）？咁我都相信佢喺內地登台有時難免去啲比較複雜地方，會有危險性，但正如大佬B都澄清一切安好，可能係少少誤會，希望大佬B日後喺內地都小心啲，忍一時風平浪靜，退一步海闊天空。」

張建聲和王宗堯到戲院謝票，大受歡迎。

此外，張建聲前日跟王宗堯、徐錦江走勻旺角、銅鑼灣為新戲謝票，兩場優先場皆全院爆滿，成績不俗。王宗堯感謝觀眾冒雨捧場，但為免阻礙下一場觀眾，未能逐一應觀眾要求合照，而他稍後時間會繼續到戲院進行謝票活動。