亞視女廁冧石屎 陳靖允險死!
前路茫茫的亞視近年騎呢事盡出，昨日在大埔總台為台慶特備節目《亞視光輝歲月》錄影，難得「新枝舊葉」回巢撐場，人氣旺盛，但活動開始前卻發生「冧石屎」意外，險令當時正在如廁的前亞視藝員陳靖允中「頭獎」，幸好最後有驚無險！
陳靖允如廁時發生「冧石屎」意外，險些被擊中。
陳靖允受驚衝出廁所，驚惶失措的她拍心口定驚。
廁所天花出現大塊剝落石屎，墜落廁格散滿一地。
昨日亞視為台慶特備節目《亞視光輝歲月》在大埔總台進行錄影，邀請了近百現職和前藝員回巢出席，包括亞視執行董事葉家寶、鮑起靜、黃日華、魯芬、張文慈和陳靖允等。前路茫茫的亞視，難得總台人氣旺盛，但活動前，竟然在大堂女廁發生「冧石屎」意外，更險些壓中當時正在如廁的前亞視藝員陳靖允！
震耳欲聾以為行雷
昨午3時許，活動開始前，大批記者聚集在大堂採訪，一眾嘉賓為台慶切蛋糕，齊齊祝願亞視「明天」會更好，但未知是否沒有將「昨天」計在祝福範圍，所以錄影前「開口中」！亞視大堂女廁突然傳出一陣巨響！不少人上前了解情況，當時正在女廁的陳靖允受驚衝出廁所，驚惶失措並口窒窒地指着事發地點。
記者進入廁所了解後，發現天花出現大塊剝落石屎，廁格內遍地石屎，最大的石屎更接近一平方米，而天花的鋼筋更清晰可見，如果有人中了「頭獎」真不堪設想，幸好並無釀成慘劇！
心情平復了的陳靖允受訪時表示，石屎剝落的地點是在她去的廁格的對面，她如廁時亦已聽到天花撕裂的聲音，由於昨日持續雷暴，她一度以為「冧石屎」是打雷：「當時以為打緊雷，因為係咁落大雨嘛今日，真係好大聲，好彩當時冇去嗰格！（見你好驚青？）真係好大聲，得我一個喺廁所，乜人都冇！不過都冇乜事，OK！」至於逃過一劫後，會否買六合彩，她說：「唔使，冇乜特別，意外啫！」
葉家寶即安排修理
「冧石屎」時，身在錄影現場的葉家寶亦表示聽到巨響：「當時我都聽到，可能呢幾日天雨關係，同埋日久冇人巡查，好彩冇人受傷，都會叫行政部同事加強巡查。其實當時都立即叫人修理，希望類似事件唔會再發生，可以保障賓客。」
