樂隊太極前晚為即將舉行的《太極樂隊30周年演唱會》進行綵排，成員雷有輝與鄧建明（Joey）指進度良好，並透露已邀得黃秋生擔任嘉賓：「應承咗！仲揀咗隻歌畀佢，冇理由上到台唔唱。」除了秋生外，太極還邀得鄭俊弘、鍾偉強及陳慧嫻撐場，Joey說：「我哋會將慧嫻啲歌改少少，變成搖滾跳舞街同迷幻小傻女畀佢歎吓！」他們又笑言預定要超時罰錢！