Robynn & Kendy與林奕匡老友鬼鬼，今次攜手創作兼合唱新歌《新一天》，破天荒跨公司合作！日前他們接受東網電視《娛樂onShow》訪問更即席Jam歌，又爆出今次合作由女方做主動！

Kendy（左）、林奕匡和Robynn坐埋一齊即玩唔停，幾合拍！

Robynn（左）笑Kendy大頭蝦，但正是這種性格令她們成為好拍檔！

三人上《娛樂onShow》接受Sherman訪問。

日前Robynn & Kendy（R&K）與林奕匡（Phil）以「一王兩后」的組合擔任東網電視《娛樂onShow》嘉賓，接受主持李文珊（Sherman）訪問，Phil自爆今次是「受邀」與R&K合作新歌《新一天》，Roybnn補充：「不嬲Friend底，公司問我哋想同邊個合作，我哋同Phil一向都天馬行空，就爆咗佢個名出嚟，咁就促成咗！」

「師奶」仔扮Cool

Friend過打Band的三人在一個頒獎禮上認識，又常於Studio碰面，Phil說：「識咗發覺好啱Key！呢兩個女仔幾得意，又鬼鬼哋！」Kendy隨即踢爆Phil錄音時帶着一包杏仁：「佢好Chill咁，但係最後留低咗包嘢！」Phil即自詡慳家：「嗰間嘢好平，買2送1，我買咗3磅杏仁諗住拎返屋企，哎吔！」

大爆拍檔懵事

而去年被爆是已故中共元老葉劍英孫女的Robynn坦言討厭被標籤：「I'm just anybody else. I'm just me！我哋唱嘅歌好輕鬆，但我當時好多Struggles（掙扎），喺最親嘅人面前都會Down，不過好快冇事！」她又感恩有Kendy這個好拍檔：「佢嘅大頭蝦同傻勁令我覺得不再孤單！佢試過喺Salon漏咗電話，要位髮型師哥哥瞬間跨欄衝過嚟畀番佢！」想知更多三位的內心世界及秘密？就快啲睇《娛樂onShow》啦！