「卒仔」劉威煌 望過楚河

「巨聲幫」劉威煌在樂壇浮沉五年後，終遇到出頭機會！早前正式簽約藝人林盛斌（Bob）旗下的藝人公司，威煌希望藉今次機會做更多屬於他的音樂：「第一次正式做歌手，所有嘢都係新嘅大計，公司喺一個月內，由錄音到出街全部搞掂晒，覺得有支好強大的軍隊喺後面支持我。」他又自認是公司的「前線卒仔」：「目標係要過楚河漢界，過咗河，卒仔就可以橫行，好希望多啲人識我，再令人認識我背後嘅團隊，佢哋都好值得出名。」