模特兒Naomi（馮鎵瀠）最近「減產」淡出娛樂圈，希望踏入30歲是人生的另一個階段：「我覺得『模』呢個字跟住咗我好耐，由16歲到依家係時候轉型，唔會再去行太性感嘅路線。」

Naomi轉型做老闆而封胸，肯定令不少宅男粉絲失望。

講明想轉做生意人的她表示，將再強勢進軍美容界：「自己做老闆娘，我之前Take咗催眠治療嘅Course，所以美容公司會搞埋，希望幫人扮靚之餘仲幫人消除唔開心嘅情感，自己仲可以做埋生招牌添！」提到寫真戰又到，曾出寫真的Naomi認為一本夠晒數：「我嗰本都算係當時最犀利嘅，要露嘅都露晒，出寫真留番畀黃榕啦！同埋我都想結婚同希望有一番事業，咁我都有本錢、有條件搵個好歸宿！」