前無綫新聞小花黃紫盈（Connie）近日密密做主持搵銀，孖住食家黃永幟（幟哥）的她繼續為有線拍攝飲食節目，每集試盡好嘢，自言吸收了不少烹飪知識，她說：「今集講海參，我依家識點分靚同唔靚，有日返到屋企喺阿媽面前扮專家，點知佢同我講一早知，搞到我冇晒面，好搞笑！」問到閒時會否下廚煮報答家人？她大方地說：「都可以諗諗呀！如果佢哋做白老鼠我又唔介意煮呀！我諗我都可以搞得掂嘅，但自己就食得比較清啲，希望佢哋會食得慣啦！」

黃紫盈學識點揀靚海參，做佢男友有口福喇！