歌手狄易達去年簽新公司後積極發展音樂事業，早前推出的快歌反應熱烈。達仔為音樂更豁出去，除打破舊有表演慣例，更主動向公司提出暫停拍劇，希望集中在音樂方面發展！

達仔專注發展音樂事業，向公司要求暫時唔拍劇。

熱愛跳舞的達仔打破舊有的表演模式，在音樂開始了才上台，帶來新鮮感。

達仔談到唱歌跳舞，即非常開心！

去年轉投新公司的歌手狄易達，今年重新專注音樂方面，早前推出的跳舞快歌《一凍一熱》反應甚好，他說：「好多人同我講，我鍾意呢個喺舞台上嘅你，令我更加有信心。」

他又表示捨棄舊有的表演方式，希望可以帶給觀眾不同的感覺：「希望每次表演都唔同，唔係再係Stand By起歌跳舞，我想由下面跳上台，播咗音樂先出現，又可能喺觀眾席出現。（唔驚混亂？）都會，每次我都好緊張，但我好鍾意呢種感覺。」

台上表演最滿足

而近年在無綫拍劇及主持的達仔，形象十分入屋，更保持曝光機會，不過他竟為了音樂，主動向公司要求暫停拍劇，他說：「因為前年都係拍劇同旅遊節目多，我鍾意喺舞台上嘅狄易達，最開心最滿足。今年同新公司要求暫時唔好拍劇，想專注多啲喺音樂同舞蹈創作方面。」

網上彈唱當磨練

不時在網上平台自彈自唱的他表示是一種磨練，又透露今年有機會開小型個唱，他說：「其實好似做功課咁，都想做多啲唔同網上平台製作。今年有機會開小型個唱，其實大同小都冇所謂，每年有一個大型演出，作為歌手係一個好大嘅鼓勵。」