金像級導演組合梁樂民和陸劍青雙劍合璧打造電影《赤道》，雖然由美術指導升呢做導演好幾年，又於2013年憑電影《寒戰》勇奪最佳導演，但紅褲子出身的他倆仍搣唔甩老習慣，梁樂民說：「依家拍第二套戲，嗌『美術』就應少咗，第一套就係咁應。」而陸劍青則說：「有次搬枱，道具話我應該坐低，仲叫我咪搞佢啲嘢。」問到成為金像導演後，拍戲會否更方便？梁樂民說：「做嘢方便咗啲，上次借景時問邊兩個導演拍，但講咗都冇人知，雖然依家都冇人平畀我哋。」他又透露劇組特意向政府申請在引水道拍攝基地場景：「你以為個景我哋係搭出嚟，就係真嘅，你以為係真嘅，就係搭嘅。」

梁樂民（左）與陸劍青揚威金像獎後知名度急升。