無綫藝員趙希洛在劇集《華麗轉身》中飾演汪明荃（阿姐）大女，兩母女的感情戲相當沉重，對演慣開朗少女的希洛是大突破。她表示形象嚴肅的阿姐對後輩體貼入微：「阿姐超Sweet，煲粥同整嘢食會預埋我哋，上咗車都關心大家有冇跟到，驚漏低我哋！戲外我當佢半個媽咪喇！我哋仲有Share護膚心得！（同阿姐對戲有壓力？）我哋有唔少對立位，我一早諗定晒點演，聽聞阿姐幾滿意！」此外，有指媽咪梁小玲是前輩藝人，因認識阿姐才令她有機會拍該劇，希洛澄清兩家人不算熟落，今次因有曾合作的同事推薦才能接拍，而她一直很努力，不想予人靠母親的感覺。

趙希洛表示一直努力工作，沒有靠關係拍劇。