前亞姐筱靖自「劈炮」後，最近轉型做食品業女公關，鋪路接管家族生意，日前她到上海撐爺爺「烘焙之父」陳培擔任頒獎嘉賓的國際烘焙展，並有亞姐師妹、東網Baby王錦睿隨行壯膽。

筱靖在烘焙展中細心觀摩，準備接管家族生意。

筱靖、王錦睿與陳培一起頒發獎金予得獎者。

筱靖（右）搵師妹王錦睿壯膽，到上海出席烘焙展。

身為「烘焙之父」陳培孫女的前亞姐筱靖，連同亞姐師妹、東網Baby王錦睿齊齊出擊，早前到上海，參與當地舉行一連四天的「上海國際烘焙展」。已離開亞視轉戰職場的筱靖，繼承家族食品事業，故專誠前往觀摩及認識客戶，並陪爺爺擔任頒獎嘉賓。由於業界客戶見到這位亞姐陪伴在陳培左右，及後得知二人是爺孫，為之驚訝。

要做女強人

筱靖說：「現場三個展位都係我哋家族代理品牌，其中有香港藝人陳豪做代言嘅咖啡集團！我都好想做到一啲成績，作為對屋企嘅回報，因為我已經冇喺亞視做幕前，轉咗幫屋企生意做公關，唔可以齋扮靚，要做實幹型女強人！」今次筱靖爭取機會與客戶見面，可算是除亞姐外，以另一身份踏出職場第一步，為接管家族的生意鋪路。問到轉型是否習慣？她說：「雖然都有啲世叔伯話叫我趁仲有幾年青春，喺演藝界玩多兩年，走番嚟做乜！但我話可以雙線發展，又冇話要專做Artist！（對你有信心？）佢哋對我從商都係抱觀望態度。」