藝人張建聲昨日到旺角親自送參賽者、因女友當街摑十四巴而有「十四巴港男」稱號的趙詠明參演電影《壹獄壹世界》「實況體驗踎監有錢派」活動。重提掌摑一事，趙詠明說：「再講我唔會痛，當係欣賞我。」他自爆分手一年多，是他提出，但否認因再捱摑：「唔啱咪分手。（會揀文靜女友？）遇到啱會進取，唔拍拖唔會死。（想入娛樂圈？）冇諗。」又指曾犯事入獄的孖生哥哥現已獲釋。他又透露希望挑戰七天「踎監」拿兩萬元：「個個生出嚟都貪錢啦，但我唔係志在錢，係想畀時間自己諗嘢。」而參賽者陳梓瑩已「踎」滿七天出獄。

回復健碩身形的張建聲稍後將脫衣為減肥食品拍廣告。

「十四巴港男」趙詠明揚言非為錢參加活動。