葉世榮最近有意造就Beyond「合體」開騷紀念已故成員黃家駒，但黃家強與黃貫中（Paul）不斷隔空對罵，關係決裂。家強昨日接受本報專訪時表示會畀面家駒及世榮，考慮出席紀念騷，但堅拒與Paul同台演出：「我介意，勉強唔到自己，唔想違背良心做。唔同台就唔會有是非，我唔係嬲佢，只係覺得緣盡，冇必要重蹈覆轍。」他又表示曾努力修補關係，但Paul令事情一發不可收拾：「我唔計較，咩都吞聲忍氣，但只會助長佢令事件去到極端，都無謂浪費大家時間。我忍唔到佢亂講嘢，仲要夾埋人哋亂講嘢！」

對此，Paul的經理人反擊：「我唔介意，把口生喺人哋度，Paul唔係小朋友，大家係成年人，唔會咁易受傷。Paul唔會避，冇做錯事，唔係賊。」至於身在北京的世榮接受電話訪問時透露，將返港與雙方斟洽，期望他們放下成見，冰釋前嫌。