吳若希（Jinny）昨日一身純白Look騷長腿出席「YDC」得獎作品產品發布會，將於本周六生日的她說：「當日要做慈善活動，應該做到好夜，第二日要返內地工作。」Jinny稱已收到很多禮物：「收到好多公仔，已經開始叫朋友停止送禮物，將錢捐出去再畀張捐款單我，咁樣我就開心。（有冇人送樓同車畀你?）等第時老公送。」

穿開衩透視裙的吳若希側身露腿，並與馮允謙合照。

Jinny稱已收到被無綫不續約的緋聞男友周志文的回覆短訊，叫她不用擔心。至於有傳她與蔡思貝因爭無綫藝人溫家偉而姊妹決裂，Jinny哈哈笑說：「乜唔係話我哋爭仔爭咗好耐咩？由拍《衝線》時已經傳，好煩。（咁有冇爭贏？）爭贏咗友誼。」而同場出席的還有歌手馮允謙。