湊仔又要兼顧工作的千嬅宣布「打敗仗」，兒子要交由老公照顧，圈中另一「媽媽級」女強人諸葛紫岐雖然同樣要做好娛樂公司老闆及媽媽角色，但她依然面不改容！日前下午4時許，一身便服打扮的諸葛在兩名家傭陪同下，帶着兒子往中環行街。難得可以享受親子時間，諸葛全程湊仔不假手於他人，及至於商場外等候司機前來接載時，依然抱實寶貝仔不放，諸葛更肉緊地對着兒子「面珠登」錫完又錫，錫完再索多兩索。

諸葛忙於湊仔不求人，難怪老公薛嘉麟可以放心與友人傾生意！

有老婆做後盾，老公薛嘉麟則專心傾生意！穿上西裝的他於另一日下午2時許現身中環某餐廳，未幾兩名友人前來會合，只見三人取出文件邊食邊傾。