李蘊（Renee）前度、38歲台灣魔術師劉謙，昨日宣布與年輕10載的內地富三代王希怡結婚，更上載魔術味極濃的婚紗照！與劉謙分手近3年的Renee昨日受訪時大方祝福舊愛，更揚言與富二代男友勁幸福，與前度鬥晒恩愛！

曾與李蘊拍拖的38歲台灣魔術師劉謙，於2012年傳出撻着年輕10載的內地著名「厲家菜」第三代傳人王希怡，被拍得於北京寓所同居！

婚照玩空中飄浮

拍拖近3年的二人修成正果，劉謙昨日於微博宣布婚訊：「系統自動轉發喜事。」勇奪多個魔術界大獎的他拍婚照不忘施展魔術，僅以左手令嬌妻王希怡於半空飄浮！有指他與李蘊拍拖時搭上王希怡，慘遭「劈腿」的Renee分手後劃清界線，更寸對方花心。

Renee昨日接受電話訪問時對舊愛婚訊未有太大感覺，更大方送上祝福：「我知道啦！有朋友Send咗畀我睇，好好呀！祝佢早生貴子！其實我哋分手後冇再聯絡，各有各生活，各有各幸福。」

「畀人搶先一步」

常於網上晒愛的Renee，被問到與富二代男友何時結婚？她說：「畀人搶先一步！其實我都係得23歲多啲，就算結婚最快都要2、3年，我依家都好幸福，有個好好嘅男朋友！」隔空與舊愛鬥幸福！