現年49歲的羅霖日前與本地著名形象指導郭慶彬現身銅鑼灣試晚裝及置裝，為其首本寫真集作準備。羅霖為求最佳效果不惜工本，自掏六位數購買比堅尼及Corset等，她說：「成本寫真公司投資咗七位數，我哋會一行十人由香港飛去韓國取景，會用韓國攝影師拍攝。」除置裝外，羅霖正努力操弗，現時僅得100磅的她更擁有23吋纖腰：「生完之後最弗就係依家！」問到為何現在才推出寫真﹖她說：「以前冇諗過，直至有公司主動接觸我，呢個年紀夠膽出寫真，當係畀自己一個挑戰！除咗靚相，仲會分享我嘅心路歷程，而且會幫慈善機構籌款，大仔都好支持我，佢仲同我一齊去韓國影相添﹗」

羅霖豪花6位數為寫真集置裝，更積極操弗準備以最佳姿態示人。