謝安琪（Kay）昨日出席《拾回謝安琪記者招待會》，席上宣布慶祝入行10年的大計，除了在香港、內地及美加等地舉行世界巡唱外，新碟又找來方大同及林俊傑合作。Kay又自爆早前膽粗粗向樂壇教父顧嘉煇邀歌，最終成功打動煇哥重出江湖，為她寫下榮休前的最後傑作：「主題都諗好，好多人認識我都係《囍帖街》，今次想講關於香港變遷嘅歌，煇哥同我眼中香港嘅變化都會唔同。」

Kay膽粗粗向顧嘉煇邀歌，爭取煇哥的榮休作。

有指老公張繼聰最近豬籠入水，Kay將停工「造人」，她否認傳聞：「唔係話生就生，張繼聰想生個女似佢個樣，順其自然！（一邊巡唱一邊造人？）咁攰，咪咁對我啦！如果佢有興趣o黎助陣，我會覺得好溫馨！」