鄭欣宜舊愛Mark Ryan與女友Hannah結婚，但新娘竟在此重要時刻遲到20分鐘，深怕錯過註冊時間的Mark很緊張，幸而有驚無險，兩人簽字後更親吻十多次！

Mark Ryan與Hannah昨日在尖沙咀簽字結婚，全程笑到見牙唔見眼！

Mark的父親抱住孫女到場觀禮，並與嘉賓合照。

Mark狂錫Hannah晒恩愛，幸福滿瀉！

外籍英語導師Mark Ryan與拍拖3年的圈外女友田淑嫻（Hannah）昨日結婚，並在尖沙咀婚姻註冊處行禮，Mark與父親帶同5個多月大的女兒Hailey先到場，新娘Hannah卻遲到足足20分鐘，令Mark略為緊張！其後，他用英語宣讀誓辭，Hannah則為了在場的父母而用廣東話宣讀，兩人又應記者要求錫面十多次，大晒恩愛！

同Joyce各行各路

Mark透露邀請約30名親友到場觀禮，可惜母親要留在加拿大照顧妹妹剛誕下的第二胎，因而未能抽空出席，問到可有邀請前女友鄭欣宜（Joyce）？他說：「冇，我同佢依家已經係獨立個體，各自走大家嘅路，過去嘅事已經隨時間流逝。我依家嘅生活好開心，亦好期待同太太、囡囡一齊過嘅生活。」

照顧家庭做100分老公

他又透露有遵從中國傳統，婚前一晚未有與Hannah見面。婚宴方面，一對新人舉行儀式後與友人吃海鮮餐，並輕鬆地喝酒，問到成為老公的感受如何？他說：「我嚟咗香港後，人生有好大變化，搵到另一半，又活喺大眾嘅眼光下。我覺得人生愈嚟愈穩定，下一步係做畀老婆睇會點樣照顧我哋嘅家庭，希望我會係一個好老公！」