藝人張建聲終於為電影《壹獄壹世界》完成三日「流動水飯房」體驗坐監生活的宣傳任務，昨日獲老闆蕭定一、唐貝詩、趙永洪及張松枝等「接監」。他指「獄中」生活令精神崩潰，曾出現幻覺及幻聽，希望可休息兩天，視乎情況才考慮是否需要看醫生：「出冊時朋友都話我眼神呆滯，我估瘦咗五磅。」被趙永洪問到坐監時如何解決性慾時，他笑說：「鏡頭後搵個位解決！」事後他正經的說：「係搵到個位冥想打坐啫！講真邊有力，依家最想沖個熱水涼。」

年僅19歲的馬嘉韻昨日正式入冊，張建聲則重獲自由！

踎足三日監的張建聲（左三）即場「檻」過火盆「重新做人」。

至於曾任「東網Baby」因而轉運的19歲模馬嘉韻（Mars），昨日以囚犯Look登上「流動水飯房」接力，問到最擔心遇到甚麼問題，她說：「瞓覺時畀途人影相、沖涼地方唔乾淨，都擔心精神崩潰。」她又慶幸這幾天不是女性不方便日子。而蕭定一除為Mars打氣外，更大讚張建聲專業：「電影票房大賣佢功不可沒，會加佢人工囉！」唐貝詩則希望Mars可體驗生活之餘，亦可提升知名度及有更多工作！