日模松岡李那與林德信（Alex）戀情浮面多時，昨日松岡承認已見家長，大讚男友家人Sweet！不過兩人同場時仍然不願合照。

一日食五餐的松岡依然擁有超索長腿，有Keep住運動係唔同啲！

松岡同Alex埋位影大合照時尷尬對望，然後就好有共識咁分開企。

日模松岡李那、歌手林德信、連詩雅及劉心悠等，昨日出席《adidas Fitmind YogaRun #mygirls》慈善活動，松岡與男友Alex同場卻不肯合照，她說：「唔係怕醜，唔係尷尬，下次先。」對於Alex父親林子祥指她大食，她說：「我一日食五餐，所以要時時提醒自己多做運動。（中國人話女人大食會食窮郎？）真嘅？但係我都會煮嘢食，可以煮畀我老公食。（可以煮畀Alex食？）係呀，煮嚟同佢一齊食。」

母親節致電「奶奶」

問到是否已見過Alex媽咪、妹妹和親戚？她說：「係，佢哋好Sweet，Alex媽咪係個好開通嘅人，我都想有個咁嘅媽咪。（見過Alex爹哋？）係，佢係個好正嘅人。（你可以煮嘢畀佢食？）搵日可以煮。」問到母親節會否與Alex媽咪慶祝，她表示要到美國工作：「Alex媽咪都喺洛杉磯，不過應該冇時間去探佢，可以打電話。」

撩女仔唔驚呷醋

擔任瑜伽導師的林德信被問到會否除衫時，他笑說：「我驚忍唔住，好緊張，呢度好多女仔，相信全香港最靚啲女仔都嚟咗參加。（女？）我會戴住副超係咁，有少少怕醜。（因為女友松岡住？）唔係。」問到松岡是否很大食？他說：「係，食好多嘢，我就食好少。」他表示不會落力跑，反而想好好享受：「沿途同啲女仔傾吓偈。（唔驚女友呷醋？）冇得呷醋。」