肥媽昨日以代言人身份出席廚具品牌活動，席間大展廚藝，又煲雞又炒飯。她透露明年底會於中山及陽江等地，與飲食財團合作開設「肥媽美食坊」及「肥媽美食城」，屆時更會出任餐廳的菜式創作總監：「有度成條街都係餐廳，其中一間係我嘅，我當然有股份啦！但唔會攞錢出嚟，我又做又攞錢，有冇搞錯呀！」稍後遠赴多倫多開騷的她表示，已預先與家人慶祝母親節，並獲老公送贈頸鏈。而同場的陸浩明（6號）則感激肥媽帶挈賺外快：「我上唔上到車、有冇得成家立室都靠佢。」

肥媽即場大展廚藝，令身旁的陸浩明及途人嘆為觀止。