在《大時代》中飾演童年版方展博的黃寶龍已34歲，並投入書店生意，而飾演成年版方展博的劉青雲如今已51歲，早前更第二度勇奪金像影帝殊榮。黃寶龍接受本報專訪，回想當年與青雲沒對手戲：「係有啲遺憾！不過有間接合作，有場戲講佢練讀英文詩嘅過程會諗起童年，本身係我拍先，佢再跟番我嘅方式拍，之後我拍咗兩日都失敗，都係要佢拍先然後我跟番佢嘅方式。當時佢仲同我講好多時做反應、講嘅語氣都要睇我點演繹，同我解釋當時拍劇嘅程序，Nice到爆！」他又表示再看《大》劇，更覺得青雲演技精湛：「再睇番青雲哥做方展博，佢嘅表情反應都好自然，真係有爛撻撻嘅Feel！而佢啱啱拎金像獎影帝嘅《竊聽風雲3》我都有睇，將圍村佬嘅神髓表現到出神入化！」他又稱若《大》劇重拍，與青雲能有對手戲是三生有幸！

現年34歲的黃寶龍已退出幕前，經營書店生意。