王菲女兒竇靖童與上山詩鈉女兒Hilary感情要好，近日返港的童童昨日與Hilary孖住現身中環。戴上頭箍、穿背心露出手上紋身的童童，與Hilary邊行邊傾，未幾進入一間餐廳醫肚，童童還柯打了一杯白酒慢慢歎。席上見兩人有講有笑，雞啄唔斷，逗留約一小時埋單離開。兩人步往的士站排隊等車時仍傾唔停，最後齊齊搭的士走人。
童童（右）與Hilary邊行邊雞啄唔斷。
