「木偶哥」林師傑早前被本報獨家踢爆與前港姐歐陽巧瑩深宵到酒店「蜜」會，他昨日出席活動時解釋最近家中有事，才與媽媽暫住酒店：「依家屋企有『人事變動』，總之就少咗個人，處理緊唔方便講。喺呢個屋企唔開心時刻，要陪媽咪渡過心理難關。」他又強調當晚媽媽也在酒店，並已知兩人關係：「我哋係好朋友，佢有見過我媽媽同食過飯，知道我哋咩關係。」問到有否與巧瑩在酒店纏綿？他說：「唔係嗰回事，呢件事係好正經、好嚴肅。」問到如何安慰媽咪？師傑指不時陪在她身邊：「大家工作時間長，之後都會跟住媽咪。（你撐起頭家？）可以咁講，依家每日七點半起身車媽媽返工。」他又自嘲近日負面新聞較多，將自我檢點：「我平時鼓勵粉絲都好正面，有做好多善事，我唔想咁多負面嘅嘢圍住我，我明我要檢點。」

林師傑強調與歐陽巧瑩夜訪酒店是做正經事，絕非另一回事。