《愛．回家》結局篇劇情出人意表！蔣家旻谷劇時率先劇透，暗示最近加入的姚嘉妮所扮演的49歲「謎婦人」，原來是羅天宇及她的生母！

與龔嘉欣（左）宣傳的蔣家旻暗示劇中的姚嘉妮是其生母，還指劇情愈來愈沉重！

《愛》劇一班演員與小朋友玩遊戲預祝母親節。

母親節將至，羅天宇咀「養母」林漪娸當禮物。

無綫處境劇《愛．回家》接近尾聲，監製徐遇安早前找來現年36歲的姚嘉妮加入劇組，扮演49歲、靠整容回春的神秘婦人，比真實年齡足足大13年，絕對是演技大挑戰，但原來還有驚人後續！

自認「無飯」女友

蔣家旻與龔嘉欣等演員昨日宣傳《愛》劇時，蔣家旻指愈近結局，劇情愈沉重：「劇本睇到我眼濕濕，講好多親情，幾沉重！姚嘉妮嘅加入影響咗我同羅天宇嘅角色好多。」不難推測劇情將交代嘉妮是兩人失散多年的生母，但當記者追問時，家旻不願劇透。記者再向嘉妮查詢，她亦表示不能講太多：「大家慢慢睇啦！不過監製搵我嗰陣，講明角色相當重要同有挑戰性。」

席上，蔣家旻被問到周日的母親節如何慶祝，她笑說：「都係食飯同送禮物啦！（趁機行未來奶奶政策？）我諗佢（男友）未有計劃，要嘅咩？都係普通食飯囉！（飯後幫手洗碗？）我唔煮飯亦唔洗碗！都係逼佢煮畀我食，考驗佢有幾愛我。」

龔嘉欣同舊愛失聯

同場的龔嘉欣與鄧健泓分手多時，但有指無綫最近有意「撮合」兩人合作，惟男方因健康問題辭演，嘉欣說：「合作冇問題！自從分手後冇聯絡，唔知佢身體有事。（問候佢？）拜託你哋（記者），唔會主動聯絡佢。」她又自爆最終未有參演該劇。至於鄧健泓接受電話訪問時對辭演不欲多言：「依家健康OK喇！同佢（龔嘉欣）都係朋友。（計劃今年同石詠莉結婚？）嚟緊6月有個Project，其他嘢遲啲先講。」