前港姐蔡思貝與型男古天樂（古仔）昨日現身鞋履品牌活動，蔡思貝坦言視古仔為偶像：「佢所有戲我都睇過晒，今次可以一齊做活動好開心。（鍾意呢類型男仔？）係，黑黑實實感覺好健康。（有冇交換電話同集郵？）冇，我好怕醜。」另外，有指她與張家輝拍攝電影《陀地驅魔人》時表現欠佳而影響進度及激怒家輝，她表示一直專心拍戲，不覺對方不開心，但承認作為新人難免NG。而古天樂表示有欣賞無綫深夜重播的《大時代》，並大讚好睇，問到會否有興趣在電影版中擔任其中一角？他說：「傳定係真？如果照番電視劇本，都係用原班人馬，未必有我份喎！」

蔡思貝視古天樂為偶像，並害羞地稱不敢與對方交換電話號碼。

娥姐有信心在電影版《大時代》中飾演「玲姐」一角。

此外，商天娥（娥姐）昨日接受好友劉美娟的電台訪問時表示，有信心在電影版《大時代》中飾演「玲姐」一角：「我會再癲啲！」