為《武則天》打頭陣出街的無綫劇《華麗轉身》，眾演員汪明荃、鍾嘉欣、方力申、岑麗香和黃心穎等昨日到愉景灣宣傳。嘉欣穿上價值十萬元的婚紗與方力申在海濱白教堂預演婚禮，但一對「新人」在台上被司儀笑言現實中有另一半顯得尷尬，隨後隔住膠片錫錫更加尷尬！嘉欣受訪時說：「唔係尷尬，只係未試過宣傳又有馬車，又有教堂。（錫錫尷尬？）抽離咗角色之後，再要親熱係有啲尷尬。（夢想婚禮？）要有教堂，想喺室外雪地結婚。（幾時結婚？）冇諗，順其自然，享受現在擁有。（同伍允龍關係？）私人嘢唔回應。」

小方隔住膠片錫嘉欣面珠和嘴仔，仍大感尷尬！

鍾嘉欣和汪明荃坐馬車進場，《華麗轉身》演員齊出席「婚禮」。

鍾嘉欣（左）、 方力申（右）

阿姐主唱的主題曲《華麗轉身》唱到街知巷聞，更被指是「洗腦歌」，她說：「唔係洗腦，咁實有人鍾意、有人唔鍾意，劇集谷宣傳啫！每套劇都有唔同宣傳，係要用到盡。多謝佢哋，佢哋應該聽咗好多次，但係會繼續聽到，希望大家留意我嘅演繹，歌詞好有意思。」阿姐又否認在《Sunday靚聲王》中被鄭少秋指咪嘴唱歌。

談到有傳嘉欣甩拖可有找她傾訴？香香說：「呢啲係私人嘢，如果好姊妹想傾訴，我當然願意去聆聽。」