藝人黃心穎、肥媽及龔嘉欣等昨日到深水埗宣傳無綫節目，與李思捷傳緋聞的心穎不停被玩，但大方的她不避嫌大讚思捷是好男仔！

心穎大讚思捷係好仔，又自爆曾上門飲「奶奶」靚湯！

一眾藝員宣傳新節目《食平3D》，跟住肥媽同陸浩明「搵食」！

黃心穎、肥媽、龔嘉欣及陸浩明等昨日在深水埗宣傳無綫節目《食平3D》，與李思捷傳緋聞的心穎被肥媽「擺上枱」質問：「你真係同思捷有嘢？」壽星仔陸浩明又笑言要與她保持距離，以免令思捷有所誤會！哭笑不得的心穎撒嬌平反，期間卻自爆飲過思捷媽媽炮製的「靚湯」：「個個都係咁笑我哋！（覺得尷尬？）唔會，我有去食飯。（思捷媽話唔認得你？）因為係一大班人去食，佢仲燉湯畀我哋飲！」

龔嘉欣鬼祟送暖

談到緋聞疑幻疑真，心穎堅稱與思捷是好友，但大讚對方孝順：「佢搞笑，又錫媽咪，係好男仔！」同場的龔嘉欣則自爆經常秘密地為男同事煲湯，因怕傳出緋聞而禁止他們張揚：「女仔人家唔想張List咁長，驚第日嘅老公介意呀！」