為《武》劇唱片尾曲的吳若希（Jinny）在網上分享母親已回家的照片，昨日則與魔術師甄澤權（Louis）結伴出席活動。心情靚絕的她表示前日向醫生請假4小時帶母親回家小休，適逢當時電視正播放由她主唱、劇集《衝線》的主題曲，母親開心得邊看邊拍手！她又透露母親已恢復說話能力，並不停向家人說：「辛苦你！辛苦大家！」

母親康復進度理想，難怪吳若希與甄澤權亮相時心情靚絕！

Jinny上載母親回家休養睇電視的照片。

Jinny暫時未知母親何時可出院，但會再向醫生請假慶祝母親節，問到母親的康復進度是否比預期理想？她笑說：「醫生話要兩個月，依家未夠一個月已經咁，好開心！婆婆身後事搞掂晒，下月頭出殯，但仲未話畀媽咪知，如果問起就Hea咗佢先。」

至於Louis即席表演早前被人踢爆的杯麵魔術，並說：「呢個表演係變奏版，係用嚟多謝關心我嘅朋友！呢排收到好多短訊叫我加油。（向澳門某魔術師出律師信，有進展？）等緊回覆，就嚟到最後限期，如果冇回覆就起訴對方。」