方力申與鄧麗欣(Stephy)昨日以情侶檔出席活動,還大耍花槍!提到近期的股票大時代,小方大爆Stephy比他「狼死」,又取笑她懂見好就收,理財有道,難從她身上攞錢!

小方與Stephy以情侶檔現身活動,妙語如珠!

小方展出親自操刀的攝影作品。

Stephy大騷長腿撐男友,認真唔話得。

方力申與Stephy昨日現身慈善探訪攝影展,小方笑言特意請女友擔任嘉賓,是為了增加活動的號召力。提到二人分別去過高海拔地區探訪,Stephy認為這些經歷非常重要,更坦言將來有小朋友亦會帶他們去體驗一下。

嫌挑剔拒拍倩影

展覽中有部分相片是由小方操刀,他坦言喜歡攝影,特別是人像。問到有否影自己的爆肌相?他笑說:「梗係有!(開相展?)有人問過我,我覺得要用一個好用途,但又未諗到點同慈善掛鈎,可能同饑荒有關。」問到有否找Stephy做模特兒影相?他笑言不會,因對方很挑剔,身旁的Stephy即說:「咩挑剔呀!」小方即改口指她要求高,Stephy聞言說:「平時去旅行佢會帶相機幫我影相,不過佢影開就上癮,係咁叫我影,但我好,唔想畀佢影!」

理財有道 見好就收

問到小方有否趁近期的股票大時代,入貨儲老婆本?他笑言做任何事都要儲錢,又透露有將購買的股票號碼告訴女友:「所以好大鑊!攬住一齊......有福同享,有難同當!」Stephy說:「一齊發達囉!靠你喇!」小方又說:「佢有錢嘅時候買股票買得仲狼過我,但佢會見好就收!」Stephy即接着說:「因為媽咪話錢唔落入袋都唔係你,所以女仔同男仔唔同。」小方笑說:「唔怪得你身上錢咁難攞出!」