無綫神劇《大時代》重播成為全城焦點，觀眾紛紛重投久違了的追劇熱潮，當中藍潔瑛在劇中的學生妹造型令人神魂顛倒，成為網民熱話！不過，現實中的她多年來飽受情緒病困擾，早已淡出幕前，昨日更見滿頭白髮的她以街坊裝落街買餸，與當年的「靚絕五台山」恍如強烈對比！

現實中的藍潔瑛生活落泊，被拍得以街坊Look踢拖遊街，不復當年勇！

無綫在深夜時段重播由劉青雲及鄭少秋等合演的經典劇《大時代》，引發全城掀起追劇熱潮，為首度接觸該劇的年輕一輩帶來衝擊！藍潔瑛在劇中飾演的羅慧玲（玲姐）令網民眼前一亮，當中的學生妹造型更令人驚嘆，不負當年「靚絕五台山」的美譽！

不少被其美貌吸引的網民搜尋藍潔瑛的資料，除了搶先披露劇集片段外，又上載相關的截圖，其演出獲一致好評。有網民更翻出她當年主持娛樂節目《K-100》訪問鄧麗君的珍貴片段。

滿頭白髮 踢拖買餸

不過，現實中的藍潔瑛多年前已淡出娛樂圈，飽受情緒病困擾的她近年多次進出醫院，更要領綜援過活，令人嘆息！51歲的藍潔瑛多年來居無定所，早前才入住赤柱的單人公屋單位，昔日的索爆外貌已不復見，取而代之的是白髮蒼蒼及脹爆身形。記者昨午在其寓所樓下發現她獨自步行回家，身穿白色鬆身Tee襯運動褲的她踢拖遊街，手腳浮腫，見她孭着袋回家，似是剛買完餸等開飯，落寞得令人不勝唏噓！

林建明：唔使擔心佢

外間對於近年落泊的藍潔瑛大感可惜，其好友林建明（沙姐）則另有見解：「唔可惜，每人都會後生同年老，我覺得佢So Far So Good。每個人都有私人生活，旁人咪用個人眼光去睇人，唔需要擔心佢，上天自有安排。」但她表示最近與對方沒有聯絡：「佢嘅家人同朋友都好關心佢，但只能夠扶佢一把，最終都係要睇佢自己。」