鄭希怡（Yumiko）月初誕下五磅半的囡囡「梁浸浸」，即被本報披露愛女因肺部出現問題，漏夜轉往東區醫院治療。留院兩星期後，Yumiko與老公梁學儲（Andy）昨日分別於微博報喜指愛女順利出院，並上載一張「梁浸浸」眼仔睩睩的大頭照，代囡囡答謝一班醫護人員。

愛女出院，鄭希怡終放下心頭大石。

Yumiko接受電話訪問時表示，終可放下心頭大石：「梁浸浸已經返咗屋企，我諗佢第時一定會係好獨立同埋好貪玩，因為佢一出世就想自己靜吓，出去住咗一排。呢段時間我好提心吊膽，幸福往往嚟得好突然，醫生突然話佢情況穩定，問我想唔想帶佢返屋企，嗰刻好開心。我依家都要肩負起做父母嘅責任，學習點樣真真正正照顧佢。」另外，蔡卓妍與鍾欣潼因工作在身未能抽空探望「梁浸浸」，但她們大讚B女是個美人胚子，盡得父母真傳。