樂壇天后容祖兒前晚到電視城錄影節目《今晚睇李》，穿露腰裝的她相當搶鏡。祖兒更即場獻唱將在無綫播映的內地劇《武則天》主題曲《女皇》，相當動聽！祖兒受訪時激讚新歌歌詞美妙：「三分鐘講晒（武則天）一生！（為演唱做功課？）一有時間會煲劇！」談到「大頭版」及「小背心版」哪個較吸引她？祖兒搞笑地表示想睇性感版：「最想睇原汁原味版本。（心郁試着『谷胸』古裝？）礙於身材做唔到！」

為《武則天》唱主題曲的祖兒，笑言想睇原汁原味的「谷胸版」。

對於日前蔡卓妍未能在金像獎頒獎禮上封后，祖兒直言在北京緊貼直播，事後亦有安慰對方：「佢行到呢步已經好唔容易。（建議對方再搏啲爭獎？）佢已經不斷求進步，唔一定淨係挑戰尺度。」

近期不少藝人參加內地節目，祖兒亦透露即將亮相內地節目，雖然穿潛水衣密實上陣，但仍堅持節食。記者建議自認泳術水皮的祖兒可找男友劉浩龍惡補。