前無綫藝人林芊妤（Coffee）昨日被發現購入長實新樓盤「緻藍天」一個價值800多萬的四房單位，對轉做瑜伽導師的她而言可謂財來有方，她受訪時稱清者自清：「原本目標想買600幾萬單位，但我要抽三次先有機會揀樓，細單位畀人買晒，得番啲大單位，我咪惟有揀800幾萬囉！（重負擔？）我同父母一齊畀首期同供樓。（二按？）唔識，我會努力教多啲瑜伽！（賺到咁多錢？）其實我股票都賺到啲！（六位數？）都有啦！唔講太詳細啦！（怕非議？）都係，但我又唔想解釋咁多，總之我行得正企得正。」

林芊妤（Coffee）