恒生指數最近如坐火箭，上周五收市報27653.12點，但由鄭少秋主演的《大時代》重播在即，恒指夜期即在上周五「急插水」，預測今日開市凶多吉少，正中「丁蟹效應」！一班星級股民已做足準備，「丁蟹」秋官的太太官晶華拒沽貨，莊思敏則講明趁低吸納。

莊思敏認為大市短期有沽壓，長線卻向好，故會逢低買入。

趙哲妤擔心「丁蟹」屠牛，打算沽貨止蝕。

秋官指投資大權在太太手上， 但相信她不會因「丁蟹效應」而沽貨。

劉松仁奉勸見好就收，唔係就「貪字得個貧」！

由鄭少秋（秋官）主演的《大時代》將於明日凌晨重播，自上周公布消息後令股民心驚膽跳，擔心出現「丁蟹效應」令牛市掉頭向下，適逢歐美股市於上周五急跌，道指曾跌逾200點，恒指夜期更暴跌近700點，令外界預測今日港股開市將「凶多吉少」正中「丁蟹效應」。不過，人民銀行昨日公布由今日起下調人民幣存款準備金率，將有利中港股市走勢，實行與「丁蟹效應」一較高下，令股市更添變數。

松哥：小心貪變貧

在《大》劇飾演「丁蟹」的秋官回應股市勢危，笑言要回家發功：「個勢就唔會跌嘅！咁咪賺少好多？我再睇清楚個勢先！（會沽？）問老婆先知！佢都知《大時代》會重播，但佢信（丁蟹效應）就傻！」除了無線重播《大》劇外，亞視亦重播《世紀之戰》，秋官笑言「唔好賴我」：「古今股票事，全付笑談中！你可以賴TVB，唔好賴我就得啦！依家係『雙丁劫股票』！」

至於秋官老婆官晶華對「丁蟹效應」亦不太在意，並謂：「唔會賣啦！自己都係平民百姓，投資股票都係好少錢。」而在《大》劇飾演股票大亨「方進新」的劉松仁則奉勸見好就收，小心「貪字得個貧」。

「丁蟹」回歸，圈中人亦議論紛紛，手持七、八隻股票包括實力股及消息股的莊思敏坦言睇長線，相信恒指長遠可破三萬點，但同時相信「丁蟹效應」，故暫時不會沽出手上股票，反而趁低吸納：「我想趁低吸納一啲穩陣嘅銀行股，例如渣打（02888）同工商銀行（01398），至於我之前兩個幾買嘅阿里影業（01060），暫時都唔會放，除非升到過五蚊先放。」

趙哲妤：正常回吐

同樣有投資股票的前「中國小姐」趙哲妤同樣怕「丁蟹效應」而會作出應變，她說：「今日會沽貨止蝕，但咁多人低價放個巿會跌，我就會趁低吸納，其實啱啱急升，回吐一下都好正常。」