鄭俊弘（Fred）、許廷鏗（Alfred）和張慧儀昨日出席電台兒歌頒獎禮，奪得勵志歌曲獎的Fred和Alfred均希望唱兒歌拓展小朋友市場，Fred更揚言一定會生小朋友，單單飼養狗隻已讓他滿腔做爸爸的感覺！

一講到生小朋友嘅話題，Fred笑到幾開心！

Alfred昨日奪兩獎，打入兒歌樂壇冇難度啦！

張慧儀帶埋囝囝一齊出席兒歌活動，享受親子樂！

鄭俊弘、許廷鏗與張慧儀等一眾歌手藝人昨日出席新城電台舉行的兒歌頒獎禮，問到奪得勵志歌曲獎的Fred會否嘗試唱兒歌？他說：「有機會可以，細個都有聽兒歌，佢哋陪人長大，好有意思。」喜歡小朋友的他被問到會否想生B時說：「未有咁快，但結婚一定會生！」Fred又指現時飼養一犬，已讓他體驗做爸爸的心態，早前他帶愛犬到狗場上堂，由於牠需要留在狗場訓練幾日，送走牠時都感到不捨：「嗰刻我哋互望都幾難受。」又表示每星期會陪伴狗狗上一次堂，希望訓練牠紀律，不會輕易受外界擾亂而失控。

Alfred想老嫩通殺

而Alfred則認為電台在兒歌及主流歌曲市場上，都給予歌手很大鼓勵，並對連獲兩獎感到高興，問到會否想唱兒歌開拓小朋友市場？他表示入行以來都有唱一些歌頌青春、鼓勵年輕一代的歌曲：「每個歌手都有唱過兒歌，如果有膾炙人口嘅兒歌，粉絲年齡層可以向下發展都好。」

慧儀撐陳慧珊Nice

擔任頒獎嘉賓的張慧儀則帶同囝囝出席，她認為兒歌很適合囝囝聽，問到是否想一嘗唱兒歌滋味？她笑說：「冇可能，唱歌好難，兒歌重要在可以激發小朋友創作，唱得唔好唔得。」她亦甚少唱歌氹囝囝，只會煮東西給他。

談到曾與她合作拍劇的陳慧珊被指耍大牌兼黑面，慧儀表示沒留意報道：「喺劇度同佢冇乜對手戲，但同佢出活動都Nice。」